Paris zaharreko kaleen umela
nire eskua zure sakela
ezin berotuz giroaren jela
ezin zela
bete sabela
galde uxoei bestela.

Trocadero-ko indar iturriak
Sena ibaiko brisa bustiak
latin auzoko taberna guztiak
bet-betiak
espagetiak
arraza oro nahasiak

Metroko jende hotzarekin ezin
inolako harremanik egin
txiro ta lapur abilekin berdin
Pigale-erdin
emagal izkin
bihotz gabe eta ziztrin

Egin genuen halere zer onik
ez pentsa dena okerra zenik
ez zegonean eguzki argirik
ilargitik
bai zuk ta bai nik
jaso gendun maitasunik.